Kotta
INTROITUS
RITUS INITIALES
V. In nómine Patris, et Fílii, et Spíritus Sancti.
R. Amen.
V. Grátia Dómini nostri Iesu Christi, et cáritas Dei,
et communicátio Sancti Spíritus sit cum Omnibus vobis.
R. Et cum spíritu tuo.
V. Fratres, agnoscámus peccáta nostra, ut apti simus ad sacra mystéria celebránda.
R. Confíteor Deo omnipoténti et vobis, fratres, quia peccávi nimis cogitatióne, verbo, ópere et
omissióne, mea culpa, mea culpa, mea maxima culpa.
Ideo precor beátam Mariam semper Virginem, omnes Angelos et Sanctos, et vos, fratres, oráre pro
me ad Dóminum Deum nostrum.
V. Misereátur nostri omnípotens Deus et, dimíssis peccátis nostris, perdúcat nos ad vitam aetérnam.
R. Amen.
KYRIE
Kyrie, eléison. (3x)
Christe, eléison. (3x)
Kyrie, eléison. (3x)
GLORIA
Glória in excélsis Deo et in terra pax homínibus bonae voluntátis. Laudámus te, benedícimus te,
adorámus te, glorificámus te, grátias ágimus tibi propter magnam glóriam tuam, Dómine Deus,
Rex caeléstis, Deus Pater omnípotens. Dómine Fili unigénite, Jesu Christe, Dómine Deus, Agnus
Dei, Fílius Patris; qui tollis peccáta mundi, miserére nobis; qui tollis peccáta mundi, súscipe
deprecatiónem nostram; qui sedes ad déxteram Patris, miserére nobis. Quóniam tu solus Sanctus,
Tu solus Dóminus, Tu solus Altíssimus, Iesu Christe, cum Sancto Spíritu in glória Dei Patris. Amen.
COLLECTA
LECTIO PRIMA
GRADUALE
LECTIO SECUNDA
ALLELUIA
EVANGELIUM
V. Dóminus vobíscum.
R. Et cum spíritu tuo.
V. Léctio sancti Evangélii secúndum N.
R. Glória tibi, Domine.
V. Verbum Dómini.
R. Laus tibi, Christe.
HOMILIA
CREDO
Credo in unum Deum, Patrem omnipoténtem, factórem caeli et terrae, visibílium ómnium et
invisibílium.
Et in unum Dóminum Iesum Christum, Fílium Dei unigénitum, et ex Patre natum ante ómnia
sáecula. Deum de Deo, lumen de lúmine, Deum verum de Deo vero, génitum, non factum,
consubstantiálem Patri: per quem omnia facta sunt.
Qui propter nos hómines et propter nostram salútem descéndit de caelis. Et incarnátus est de Spíritu
Sancto ex María Vírgine, et homo factus est.
Crucifíxus etiam pro nobis sub Póntio Piláto, passus et sepúltus est. Et resurréxit térfia die,
secundum Scriptúras, et ascéndit in caelum, sedet ad déxteram Patris.
Et íterum ventúras est cum glória, iudicáre vivos et mórtuos, cuius regni non erit finis. Et in
Spíritum Sanctum, Dóminum et vivificántem:
qui ex Patre Filióque procédit. Qui cum Patre et Fílio simul adorátur et conglorificátur: qui locútus
est per prophétas. Et unam, sanctam, cathólicam, et apostólicum Ecclésiam. Confiteor unum
baptísma in remissiónem peccatórum.
Et expécto resurrectiónem mortuórum, et vitam ventúri sáeculi. Amen.
ORATIO FIDELIUM
OFFERTORIUM
V. Benedíctus es, Dómine, Deus universi, quia de tua largitáte accépimus panem, quem tibi offérimus,
fructum terrae et óperis mánuum hóminum: ex quo nobis fiet panis vitae.
R. Benedíctus Deus in sáecula.
V. Benedíctus es, Dómine, Deus univérsi, quia de tua largitáte accépimus vinum, quod tibi offérimus,
fructum vitis et óperis mánuum hóminum, ex quo nobis fiet potus spiritális.
R. Benedíctus Deus in sáecula.
V. Oráte, fratres, ut meum ac vestrum sacrifícium acceptábile fiat apud Deum Patrem omnipoténtem.
R. Suscípiat Dóminus sacrifícium de mánibus tuis ad laudem et glóriarn nóminis sui, ad utilitátem
quoque nostram totiúsque Ecclésiae suae sanctae.
ORATIO SUPER OBLATA
PRAEFATIO ET SANCTUS
V. Dóminus vobíscum.
R. Et cum spíritu tuo.
V. Sursum corda.
R. Habémus ad Dóminum.
V. Grátias agámus Dómino Deo nostro.
R. Dignum et iustum est.
V. Vere dignum et iustum est... Et ídeo cum Angelis et Omnibus Sanctis glóriam tuam praedicámus, una voce dicéntes:
R. Sanctus, Sanctus, Sanctus, Dóminus Deus Sábaoth. Pleni sunt caeli et terra glória tua. Hosánna in
excélsis. Benedíctus, qui venit in nómine Dómini. Hosánna in excélsis.
CANON
V. Vere Sanctus es, Dómine...
V. Mystérium fídei.
R. Mortem tuam annuntiámus, Dómine, et tuam resurrectiónem confîtémur, donec vénias.
V. Mémores ígitur...
V. Per ipsum, et cum ipso, et in ipso, est tibi Deo Patri omnipoténti, in unitáte Spíritus Sancti, omnis
honor et glória per ómnia saecula saeculórum.
R. Amen.
PATER NOSTER
V. Praecéptis salutáribus móniti et divína institutióne formáti, audémus dícere:
R. Pater noster, qui es in caelis: sanctificétur nomen tuum; advéniat regnum tuum; fiat volúntas tua,
sicut in caelo et in terra. Panem nostrum quotidiánum da nobis hódie; et dimítte nobis débita
nostra, sicut et nos dimíttimus debitóribus nostris; et ne nos indúcas in tentatiónem; sed líbera nos
a malo.
V. Líbera nos, quáesumus, Dómine, ab Omnibus malis, da propítius pacem in diébus nostris, ut, ope
misericórdiae tuae adiúti, et a peccáto simus semper Iíberi et ab omni perturbatióne secúri:
exspectántes beátam spem et advéntum Salvatóris nostri Iesu Christi.
R. Quia tuum est regnum, et potéstas, et glória in sáecula.
V. Dómine Iesu Christe, qui dixísti Apóstolis tuis: „Pacem relínquo vobis, pacem meam do vobis”; ne
respícias peccata nostra, sed fidem Ecclésiae tuae; eámque secúndum voluntátem tuam pacificáre et
coadunáre dignéris. Qui vivis et regnas in sáecula saeculórum.
R. Amen.
V. Pax Dómini sit semper vobíscum.
R. Et cum spíritu tuo.
AGNUS DEI
Agnus Dei, qui tollis peccáta mundi, miserére nobis.
Agnus Dei, qui tollis peccáta mundi, miserére nobis.
Agnus Dei, qui tollis peccáta mundi, dona nobis pacem.
V. Ecce Agnus Dei, ecce qui tollit peccáta mundi. Beáti qui ad cenam Agni vocáti sunt.
R. Dómine, non sum dignus, ut intres sub tectum meum, sed tantum dic verbo et sanábitur ánima mea.
POSTCOMMUNIO
RITUS CONCLUSIONIS
V. Dóminus vobíscum.
R. Et cum spíritu tuo.
V. Benedícat vos omnípotens Deus, Pater, et Fílius, et Spíritus Sanctus.
R. Amen.
V. Ite, missa est.
V. Deo grátias.